"Hinanakit ng Katotohanan" byPrecious Arlene Villaroza

Sa bawat iko't ng mundo may bagay na nagbabago, panahong naglalaho,pangakong napapako. Sa estado ng buhay natin ngayon masasabing bigo tayo pagkat tayo mismo ay bulag sa katotohanan. Katotohanang dapat na nating sanang malaman.Makapangyarihan tayo pero tayo ang nakakulong sa salapi na bumubulag sa atin sa katotohanan. Dahil sa kapangyarihan na nagagawa nating kumitil ng buhay, yumapak ng ibang tao at saktan angating bayan. Ang batas na sana ay matibay nating sandata ay unti-unting nawawalan ng kapangyarihan. Dahil sa patuloy nating pagtanggap ng kasinungalingan. Mahirap mang tanggapin pero tayong mamamayan ay walang ginagawa upang ang ating bayan ay maging tama.