Talik Harap

Sa una'y kay saya ng ating samahan
Lahat ng kalokohan mo ay sinasakyan ko rin
Lagi tayongmagkasama sa gitna ng kahirapan

Lahat ng sikreto mo ay alm na alam ko
Pati kilos at ugali mo ay kabisado ko
Alam ko ang lahat ng kasinungalingan mo

Pero bakit ganito ang ginawa mo sa akin?
Iniwan mo ako sa ere at hinayaang masaktan
Kinalimutan mo ako at itinuring na kalaban

Pinilit mo akong ibagsak at ipahiya sa lahat
Pinagkaitan mo ako ng karapatang sa aki'y nararapat
Ipinangangalandakan mo ang sikreto ko na tila isang aklat

Itinuring kitang tunay na kaibigan
Pero ang lahat ng ito ay binago mo rin
Iminulat mo ang aking mata sa tunay na sitwasyon natin

Ngayon ko lang napagtanto na may maskara ka din
At ika'y patuloy na gumagala hanggang ngayon
Isa kang "talik harap" na kaibigan.

Ni: April B. Caunin