Makabagong Lipunan

Noong panahon ng ating kadakilaan
Kabataan ay pag-asa ng bayan
Yun ang pananaw ng dating pamayanan
Ngunit ano ang iyong natatanaw
Sa landas na ating ginagalawan
Ito ba ay meron pang kalinawan
O ito ba'y bahagi na ng ating kabiguan?

Kabataan ay salot ng ating bayan
Yan ang bukang bibig ng makabagong pamayanan
Dahil sa bawat sulok ng mundong ginagalawan
Droga at alak ang pinagdedependehan
Pagpapakamatay lang ang solusyon sa kahirapan
Kaguluhan at kabiguan ang sayo'y nag-aabang

Sa landas na dapat nating tahakin
May kaya ka kayang gawin para ito'y masukdulan
Ng sa gayo'y kinabukasan ay makamtan
Ng mga kabataan na bayani ng "Makabagong lipunan"

Ni: April B. Caunin