"Oras"
Simula sa sandaling ika'y umalis
Kailanman sa isipan ko'y di ka nawaglit
Bawat kalungkutan at paghihinagpis
Para sa iyo ito'y aking matitiis
Sa mga ala-ala nating kaysaya
Ngiti mong kay tamis ,nangingislap mong mata
Hindi kailanman mawawaglit sa ala-ala
Ang tinig mong kay lambing sa tuwing naiisip kita
Ngunit sinta ko ,mula ng ika'y lumisan
Palagi kong minamasdan ang ating orasan
Kung kaya ko lamang ibalik ang nakaraan
Pipiliin ko ang oras na ika'y nasa kandungan
Ngayong nag-iisa at iyong iniwan
Parang ang puso ko ay labis na nabibigatan
Sa harapn ng sandaling ito ako'y nasa iyong libingan
Ang oras na sinabi kong "Mahal sa iyo'y Paalam"
Isinulat ni:Sanielyn Paraiso
Subscribe to:
Post Comments (Atom)
No comments:
Post a Comment